ಖರೀದಿ

 ಗಂಡ ಹೆಂಡರು ಹೊರಟರು ಖರೀದಿಗೆ,

ಬೇಕೆಂದಿದ್ದಳು ಅವಳು ಬಟ್ಟೆಬರೆ.

ಖರೀದಿಯ ನಂತರ ಹೆಂಡತಿಗೆ ಬಟ್ಟೆ,

ಗಂಡನಿಗೆ ಬಿಲ್ಲಿನ ಬರೆ!!

ಪುರಾಣ

ಸೀತೆಯನು ಮೆಚ್ಚಿಸಲು ಬಂದ ರಾವಣ,

ತೋರಿಸಿದ ಅವನ ಎಲ್ಲ ಪರಾಕ್ರಮ..

ಜಾನಕಿಯ ಮನದ ತುಂಬಾ ಅವಳ ರಮಣ

ರಾವಣ ಎಂದಿಗೂ ಪರ, ಅಕ್ರಮ

ರವ ರವ ರವಿವಾರ!

ಭಾನುವಾರವೂ ಮನೆಯ ಸೂರಿಲ್ಲ ಎನಗೆ,

ಇದೆಯಂತೆ ಒಂದು ಸಮಾರಂಭ..

ಹೋಗಬೇಕು ಭಾಮೆಯ ಮಾಮನ ಮನೆಗೆ,

ಇಲ್ಲದಿದ್ದರೆ ಮನೆಯಲ್ಲಿ ಸಮರ ಆರಂಭ..

ಖುಷಿಯ ಕಾರಣ

ಮದುವೆಯಾದ ಮೊದಲನೇ ವರ್ಷ..

ಖುಷಿ ಇದ್ದರೆ, ಕಾರಣ "ಹೆಂಡತಿ"

ಮದುವೆಯಾದ ಹತ್ತನೇ ವರ್ಷ..

ಖುಷಿ ಇದ್ದರೆ, ಕಾರಣ "ಹೆಂಡ ಅತಿ"